قاينامى تور خاتىرىسى

ئالدىمدىكى گۈل...

ئىچىمدىكى ئاتمىغان تاڭغا

يۇلتۇزلىرىڭنى باشلاپ كىر

مەن سېنى كۈتىمەن قاراڭغۇلۇقتا...

ھاياتنوپۇس مۇھەممەت

روھتىن پۈتكەن پەلەمپەي

ھاياتنوپۇس مۇھەممەت

ئۆرلىمەكتە پەيدىن-پەي

ھاياتنوپۇس مۇھەممەت

تېنىم قەدەھ،جېنىم مەي

ھاياتنوپۇس مۇھەممەت

سەندىن ئايرىلماقچىمەن...

قولۇمدىن ئايرىلدىم

كۆردۈڭمۇ ئېرىقىڭقا يېتىپ بارغان قاننى؟

كۆردۈڭمۇ قاندىن ئۈنگەن سۆزنى قارا-قارا؟

يېنىپ تۇرغان سېنىڭ ئاۋازىڭ

تۈننىڭ ناخشىسى سەھەرلىرىمدىن ساقىيدۇ

ھېكايەمنى باشلايمەن پەرىشان

سۆزلەيمەن ئۆلۈگۈمنى قان ئىچىدە سوزۇلۇپ  ياتقان

ھېكايەمنى باشلايمەن پەرىشان

سۆزلەيمەن ئۆلۈگۈمنى قان ئىچىدە سوزۇلۇپ  ياتقان

ھەمدۇسانا...

قولۇمنىڭ يوقلۇقىدىن

كۆزۈمنىڭ كورلىقىدىن

تىلىمنىڭ كېسىلگەنلىكىدىن

سېنىڭ مەيدەڭدە كۆيۈۋاتقان ئاسمان

ئالىمجان قاسىمغا

سېنىڭ مەيدەڭدە كۆيۈۋاتقان ئاسماندا

مەن ئېقىۋاتقان يۇلتۇزلىرىم بىلەن يىغلاۋاتقان ۋاقتىمنى ئۇچرىتىمەن

تاغلارنىڭ چوققىلىرى بىلەن بېزەلگەن ھويلاڭنىڭ

بۇلۇتلىرىغا ئەگىشىمەن...

دادامنىڭ روھى:بالام،يۇسۇپ بولمىساڭ كىمسەن؟!...

جۆيلۈۋاتقان چۈشۈمنى تېرىيمەن ئېسىمنىڭ قۇرغاقلىقىغا

ۋە ئاندىن ئۈنگەن ئۈندۈرمىلەرنى پۇرايمەن پەرىشان...

مەن يۈسۈپ ئەمەس...

ياتىمەن قۇدۇقتا

يىغلاۋتقان كۈز كىيىمىم

خارابىلەردە ئەسلىنىۋاتقان سۈرىتىم

جىملىقتىن ئېرىپ كېتىۋاتقان شامال ئاۋازىم

قارا بۇلۇت ئۈستىدە تاشقا ئايلانغان يامغۇر پەرۋازىم

كەل،ئەي ئادەم!…

ئىككى قولۇمنى كېسىشكە تەييار بولدۇم،كەچتىم روھى مەجرۇھ تەننىڭ ساقلىقىدىن

قىپقىزىل يۈرىكىمنى يوللارغا چېچىپ بولدۇم،سەن ماڭىدىغان يوللارغا

بىھۇدىلىك يامغۇرلىرىنى ئۈستۈمگە تۆكۈۋاتقان بۇلۇتلاردىن كەچتىم

مېنىڭ ھېكايەم

مېنىڭ ھېكايەم

ئېتىز قىرلىرىدىن باشلىنىدۇ

كېسىلگەن باشاقلارنىڭ رىۋايىتىدەك

ئىككى رەسسامنىڭ ھېكايىسى

سەن سىزىساڭ دەريالارنى ئاسمانغا ئاققان

مەن سىزىمەن دېڭىزلارنى غەملەرگە پاتقان

سەن سىزىساڭ چىمەنلەرنى گۈللەر ئېچىلغان

مەن سىزىمەن ياپراقلارنى قېنى چېچىلغان

سەن سىزىساڭ ئاسمانلارنى زۇمرەت بېسىلغان

مەن سىزىمەن يۇلتۇزلارنى دارغا ئېسىلغان

سېنىڭ قاراڭغۇ كىتابىڭ...

ۋاراقلايمەن تېنىڭنى ئوقۇش ئۈچۈن

چۈشكۈن يېزىقلارنى سىلايمەن قارىغۇ قوللىرىمدا

ئاۋازىڭنىڭ رەڭدار يالقۇنىدا ئېرىيمەن قاردەك

تۆكۈلىمەن خازان كەبى قۇچاقلىرىڭغا

كۈتۈۋاتقان بولساڭ

كۈتۈۋاتقان بولساڭ...

ئۈچ ئوغۇل

(داستان)

ئۈچ ئوغۇل(2)

(داستان)

قىز قەلبىدە ياشىماق

تەرجىمە قىلغۇچى:دېڭىز

生存在姑娘的心

ئۈچىنجى ئوغلۇم

ئەلمىساقنىڭ بىر دەرياسى بار

چەكسىز ئىچىمگە قۇيۇلىۋاتقان

پۇتۇم سۆيگەن تىكەنلىك يوللار

قېنىم بىلەن بويۇلىۋاتقان

مۇنچىسىدا ھاياتنىڭ بىزلەر

يامغۇر بىلەن يۇيۇنىۋاتقان...

چۈشۈمدىكى نۇر چاچقۇچى

سەن مۇنچىدا يۇيۇنىۋاتقاندا

تاملاردىن سىرغىغان سۇ مەن ئىدىم

سۆزلىرىڭنىڭ ئارىسىغا

قىستۇرۇلغان گۈل مەن ئىدىم

خانئايشەم

سېنىڭ كۆزلىرىڭدىن باشلانغان دەريا

مېنىڭ يۈرىكىمدە  قۇرۇپ قالىدۇ

مېنىڭ  كۆزلىرىمدىن باشلانغان قۇملۇق

سېنىڭ يۈرىكىڭدە سۇغا قانىدۇ...

ئۇلار ئاۋۇ ئۆيدە ئۇخلاۋاتىدۇ...

تۇرمۇش ئاتلىق قۇرۇغان باغدا

قوياشنىڭ تاجى قىزارماقتا

ئۇلارنىڭ ئۇيقۇسىدىن چىقتىم...

تەبەسسۇمىڭ روھىم ئۈچۈن يارقىن بىر پۇرسەت

تېنىم بەلكى ئوت تۇتاشقان چەكسىز ئورمانلىق

ئوت ئىچىدە تېنەپ يۈرگەن كىيىكتۇر روھىم

تەبەسسۇمىڭ ئېلىپ كېلەر يارقىن بىر پۇرسەت

ماھىيەتلىك شەكىلىڭگە يېتىدۇ ئاھىم...

            كۈندۈز تۇققان ئاي

بىر توپ ئەما بىز

ھەممە نەرسىنى كۆزىمىز بىلەن كۆرۈپ يۈرگەن

بىر توپ سۆيمىگۈچى بىز

ھەممە نەرسىنى لەۋلىرىمىز بىلەن سۆيۈپ يۈرگەن

شەھەرنىڭ سىرتىدا

شەھەرنىڭ ئىشىكى

...
-مۇشۇ يەردىن شەھەرگە كىرىمىز!-دېدى
مېنى ئۇزۇن يىللاردىن ئېلىپ كەلگەن
ھېلىقى كىشى

يالىڭاچلىق

سەن كىيىۋالغان بۇ يالىڭاچلىق

مېنى كىيىملىرىمدىن خىجىل قىلىدۇ

سەن سۆيۈۋاتقان بۇ يالىڭاچلىق

مېنىڭ لەۋلىرىمنى قان قىلىدۇ

2000-يىلىدىكى مەلۇم بىر كۈن

پىرقىرىماقتا

ۋاقىتنىڭ قۇيۇنى

ئىچىمدىكى باياۋاندا

قىلىچىنى ئوينىتىپ كۈندۈز

پەيدا قىلدى سانسىز جاراھەت

تېنىمدە،تېنىمنىڭ ئەينەكلىرىدە...

شائىر

(1)

چىقتى دەۋىردىن قىسقا بىر ئادەم

مىنىپ خىيالنىڭ توزانلىرىغا...

قاننىڭ ئىسمى ئۆزگەردى ئوتقا

سۆيگۈنىڭ ئىسمى

چېلىندى تەندىن تەننىڭ سىرتىغا

بىر مەست كېلەتتى مۇھەببىتىدە

قولىدا ئۆچۈرۈلگەن مەشئەلنىڭ باش سۆڭىكى

ئەتراپىدا ۋەھىمىلىك قەبرىلەرنىڭ سايىسى

گۈلدۈرلەپ تۇرغان...

ئۇچۇۋاتقان بۇلۇت

(مۇھەممەت خېۋىر ۋاپاتىغا)

ھاياتىڭنىڭ ئۇ تەرىپىدە

نۇر چاچىدۇ بىر توپ بۇلۇتلار

شائىر ئاتالغان بىر  توپ ئازغۇچىمىز

يامغۇرنىڭ سۈيىدە يۇيۇنىمىز

ئاسماننىڭ ئۇ تەرىپىگە

پاكلىنىش ئۈچۈن ماڭىمىز ،ماڭىمىز

ئەشۇ يەردە سېنىڭ بۇلۇتۇڭ

نۇر چاچىدۇ،سۇيۇق نۇرلارنى

قوشۇلغاندا بىزنىڭ يارىمىز

شېئىر يازغۇم كېلىۋاتىدۇ

ئۇزۇندىن بېرى ئۇچۇپ كېلىۋاتقان قەغەزلەرگە

مەخپى ئۇچرىشىشلارنىڭ يان تەرىپىدىكى

كوچىلاردا سەرگەردان

يۆلىنىپ خام خىيالغا

يۆلىنىپ سايىسىنىڭ نەمخۇش تېنىگە

ياغار يامغۇردا...